Peligru mariellu

Peligru mariellu (dacuando Terror mariellu) ye una metáfora del color de la raza que s'anició nel sieglu XIX, pa ufiertar dende occidente una imaxe de les persones orientales y establecer una diferencia de raza clara colos mesmos occidentales. Esta imaxe creá de los orientales, tuvo principalmente, una considerancia negativa escontra ellos (anque s'usó de diverses formes en función de lo que la situación riquía), y foi usada como escusa y sida pal tratu políticu, económicu y militar d'occidente. Les causes de la mesma, fueron tantu la puxanza de nueves potencies como Xapón, vista con rocea dende Europa, como la importación masiva de mano d'obra china a dellos países como Estaos Xuníos, Sudáfrica, Nueva Zelanda, etc, lo que xeneró una reacción de refuga de la población d'estos países.

El términu ta motiváu principalmente pol desconocimientu de la población occidental sobre Asia, y estructuróse como una imaxe prexuiciosa, utilizada como arma política y cultural, y delimitada por una perspeutiva eurocentrista. Refierse a una construcción ideolóxica con un enfoque claru y conveniente que sirvía sobremanera pa definir lo propio (occidental) frente a lo distintu (oriental). ).^[1] Tamién se refier al mieu y/o a les creencies irracionales de que les sociedaes d'Asia Oriental atacaríen y habría guerra coles sociedaes occidentales por que, finalmente, unos acabaren colos otros consiguiendo l'aniquilación total de les sociedaes y cultures contraries.

1. ↑ Rodao, Florentino. Franco y el imperio japonés. Imágenes y propaganda en tiempos de guerra.Col. Así Fue. La historia rescatada, 49 . Barcelona: Plaza & Janés, 2002. p. 29